Saturday, February 28, 2015

म्याग्दीमा २५ मेगावाटको जलविद्युत् आयोजना निर्माण हुँदै


पश्चिम म्याग्दीमा २५ मेगावाट क्षमताको जलविद्युत् आयोजना निर्माण हुने भएको छ । म्याग्दी उद्योग वाणिज्य सङ्घका पूर्वअध्यक्ष एवम् नेपाल उद्योग वाणिज्य महासङ्घका केन्द्रीय सदस्य प्रमोद श्रेष्ठलगायत स्थानीयको सक्रियतामा सो आयोजना निर्माण हुने भएको हो । म्याग्दी खोलामा निर्माण हुने सो आयोजनाको निर्माणका लागि विभिन्न चरणमा स्थलगत अनुगमन हुनुका अतिरिक्त आवश्यक प्रक्रियालाई तीव्रता दिइएको आयोजना निर्माण कम्पनी धवलागिरि कालिका हाइड्रो लिमिटेडका अध्यक्षसमेत रहेका श्रेष्ठले बताए । उनले भने, ‘निर्माणाधीन आयोजना म्याग्दीका लागि अत्यन्त लाभदायी हुनेछ । सबैको सहभागितामा निर्माण कार्यलाई तीव्रता दिने तयारीमा छौं ।’ श्रेष्ठ म्याग्दीको उत्तरी क्षेत्रमा रहेको नारच्याङ गाविसमा निर्माणाधीन अवस्थामा रहेको ४ मेगावाटको घलेम्दी हाइड्रो लिमिटेडका प्रबन्ध निर्देशकसमेत हुन् । प्राविधिक प्रतिवेदनअनुसार निर्माणाधीन आयोजनाले वार्षिक ९० करोड रुपैयाँसम्म आम्दानी दिनेछ । आयोजनाका लागि दरबाङदेखि २ किलोमिटरमाथि ताकम धारापानी जाने फेदीमा बाँध बाँधेर ५ किमी सुरुङ हँुदै दरबाङ र बाबियाचौरको सिमानामा अवस्थित सहस्रधारा रातोढुङ्गामा १ सय मिटर अग्लो हेडका साथ पावरहाउस बनाइनेछ । 

आयोजनाले केही दिनभित्र शेयर जारी गर्ने तयारी गरिरहेको छ । जिल्लामा राहुघाट, मिस्त्री, अपर कालीगण्डकी र घलेम्दी जलविद्युत् आयोजना निर्माणाधीन अवस्थामा छन् ।
 
- See more at: http://www.urjanews.com

No comments:

Post a Comment