आजदेखि दुई घण्टा लोडसेडिङ घट्यो

    नेपाल विद्युत प्राधिकरणले आज बुधबारदेखि लागु हुने गरी दैनिक दुईघण्टा लोडसेडिङ घटाएको छ । 

    दैनिक १२ घण्टा लोडसेडिङ हुँदै आएकोमा घटाएर १० घण्टामा झारिएको हो । प्राधिकरणका अनुसार,    ८४ घण्टा लोडसेडिङ हुँदै आएकोमा प्राधिकरणले घटाएर ७० घण्टामा झारेको छ ।
    पानीको वहाब बढेको, सुर्यास्तको समय परिवर्तन भएको तथा कुलेखानी जलाशययुक्त आयोजनामा पानीको सञ्चीतीको कारण लोडसेडिङ घटाइएको प्राधिकरण भार प्रेषण केन्द्रका प्रमुख भुवन क्षेत्रीले बताए । जलाशयमा १५ सय १० मिटर पानी अझै छ ।
    ११ सय मेगावाट विद्युतको माग भएकोमा अहिले  ५ सय ५० मेगावाट अभाव रहेको प्राधिकरणले जनाएको छ । भारतबाट १ सय ८० मेगावाट विद्युत आयात हुने गरेको छ ।